.jpg)
.jpg)
२०८३ जेठ २३ गते
आतङ्क फैलाउन उक्साएको भन्दै बालेन साहलाई कारबाही गर्न माग
२०८२ कात्तिक ०७ गते
काठमाडौँ । भदौ २३–२४ को “जेन–जी आन्दोलन” बाट उत्पन्न आतङ्ककारी गतिविधि निष्पक्ष छानबिन तथा विना पूर्वाग्रह कारबाही गर्न एमाले निकट विद्यार्थी नेता धर्मराज तिमिल्सीनाले प्रधानमन्त्री सुशीला कार्कीलाई ध्यानाकर्षण गराएका छन्।
Advertisement:
ध्यानाकर्षण पत्रमा भदौ २३ र २४ गतेको “जेन–जी आन्दोलन” का क्रममा राजधानी काठमाडौं लगायत देशका विभिन्न स्थानमा भएको तोडफोड, आगजनी, लुटपाट, नीजिरसार्वजनिक सम्पत्ति नष्ट गर्ने, नागरिक आतंकित पार्ने र जनधनको क्षति पुर्याउने, नेपाल प्रहरी लगायत आम मानिसहरुलाई निर्घात कुटपिट गरि हत्या गर्ने जस्ता अमानवीय कार्यहरूले राष्ट्रिय शान्ति–सुरक्षामा गम्भीर असर पारेको उल्लेख छ ।
उक्त घटनाका क्रममा काठमाडौं उपत्यकासहित देशका विभिन्न स्थानमा देखिएको असामान्य हिंसा, भीड नियन्त्रणका क्रममा भएका मृत्यु तथा घाइते घटना, सामाजिक सञ्जालबाट फैलाइएका भ्रामक प्रचार–प्रसार र विदेशी प्रयोजनका संकेतजन्य गतिविधिले राष्ट्रिय सुरक्षामाथि गम्भीर प्रश्न उठाएको भनिएको छ ।
पत्रमा सामाजिक सञ्जालबाट प्राप्त सूचनाहरूका आधारमा बालेन साह, बारबारा फाउन्डेसन, हामी नेपाल, सुदन गुरुङ, रुटिन अफ नेपाल बन्द लगायतले उक्त आन्दोलनलाई आतङ्ककारी दिशातर्फ उक्साउने,आतङ्क फैलाउने र राज्यविरुद्ध विद्रोहजन्य वातावरण सिर्जना गर्ने, व्यवस्थापन गर्ने वा प्रत्यक्षरअप्रत्यक्ष संलग्नता जनाएको देखिएको भनिएको छ ।
प्रतिक्रिया