.jpg)
२०८३ साउन २७ गते
गगनलाई रविको कटाक्ष:'२० वर्ष सांसद भएपछि बल्ल बाटो बनाउन कानुन फेर्ने ज्ञान फुर्यो'
२०८२ फागुन १२ गते
काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले मुलुक अब विकास-निर्माणको चरणमा प्रवेश गरेको दाबी गरेका छन्। यसअघि धनगढीको सभामा बालेन साहले बोलेको अभिव्यक्तिको बचाउ गर्दै उनले निर्माण व्यवसायीहरू आत्तिनु नपर्ने र कानुनअनुसार काम गरे कसैले बाधा नपुर्याउने बताए।
Advertisement:
धनगढीको सभामा उनले काममा ढिलाइ सह्य नहुने संकेत गर्दै दुई–तीन सिफ्टमा काम गरेर निर्माण छिटो सम्पन्न गर्न आग्रह गरे। साथै उनले नेपाली कांग्रेसका गगन थापालाई लक्षित गर्दै लामो समय सत्ता र संसदमा रहेकाहरूले ढिलै विकासको आवश्यकता बुझेको टिप्पणी पनि गरे।
‘निर्माण व्यवसायीहरू आत्तिनुपर्दैन् । अब देश विकास निर्माणको बाटोमा अगाडि बढ्यो,’ सभापति लामिछानेले भने, ‘बाँध्ने भनेको कानुनले बाँध्ने भनेको हो, डोरीले बाँध्ने भनेको होइन । कानुनअनुसार काम गरे कसैले केही गर्दैन ।’धनगढीको चुनावी सभामा बालेनले सडक बनाउन ढिलासुस्ती गर्नेलाई रुखमा बाँधेर हुन्छ कि, थुनेर हुन्छ छिटो बनाउन लगाउने भनेका थिए ।
यस्तै सभापति लामिछानेले कांग्रेस सभापति गगन थापालाई लक्ष्य गर्दै २० वर्ष सांसद भएको मान्छेलाई बल्ल ज्ञान आएको भन्दै टिप्पणी गरे । ‘२०(२० वर्ष सांसद र मन्त्री भएपछि बल्ल बाटोघाटो बनाउन १२–१५ वटा कानुन फेर्नुपर्छ भन्ने ज्ञान आयो तपाईँहरूलाई । बल्ल ज्ञान आयो । तपाईँको ज्ञान तपाईँसँगै राख्नुहोला,’ लामिछानेले भने ।
प्रतिक्रिया