.jpg)
.jpg)
२०८३ भदौ ०६ गते
हेलिकप्टर क्यान्सिल गरेर सडकमार्गबाटै मुस्ताङ जाँदै प्रधानमन्त्री शाह
२०८३ भदौ ०६ गते
काठमाडौँ । प्रधानमन्त्री बालेन शाह सडकमार्गबाटै मुस्ताङ जाने भएका छन्।निजी भ्रमणका लागि शुक्रबार पोखरा पुगेका प्रधानमन्त्री बालेन शनिबार मुस्ताङ जान लागेका हुन्।
Advertisement:
काठमाडौँबाट गाडी चढेर पोखरा पुगेका प्रधानमन्त्री शाह पोखराबाट हेलिकप्टरमा मुस्ताङ जाने योजना बनेको थियो ।तर प्रधानमन्त्रीले एकाएक योजना परिवर्तन गर्दै पोखराबाट मुस्ताङसम्म नै सडकमार्ग हुँदै जाने इच्छा जाहेर गरेको उनको निजी सचिवालयले जनाएको छ ।
मुस्ताङ जाने सडक म्याग्दीको बेनी-जोमसोम खण्डमा दुई ठाउँमा पहिरो खसेर अवरूद्ध भएको थियो।म्याग्दीको अन्नपूर्ण गाउँपालिका–३ सुकेबगरस्थित सडक माथिबाट शनिबार बिहान ५:२५ बजेको पहिरो पन्छाइसकिएको छ।
म्याग्दीकै रघुगंगा गाउँपालिका–२ बैसरीमा बिहान ५:३० बजे लेदोसहित खसेको पहिरो केही बेरअघि हटाइएको कालीगण्डकी करिडोर सडक आयोजना प्रमुख तेजस्वी शर्माले जानकारी दिए।
सडक खुलेपछि प्रधानमन्त्री सोही मार्ग भएर मुस्ताङ जानेछन्।उनी अहिले पोखराको अन्नपूर्ण इको भिलेज रिसोर्टमा छन्।
प्रतिक्रिया