.jpg)
२०८३ साउन २८ गते
ग्रीन भेन्चर्सद्वारा कालीगण्डकी गर्ज हाइड्रोपावरको ५१ प्रतिशत सेयर अधिग्रहण
२०८२ भदौ ११ गते
काठमाडौं । निजी जलविद्युत् क्षेत्रमा नयाँ शक्ति सन्तुलन कायम हुने गरी ग्रीन भेन्चर्स लिमिटेडले कालीगण्डकी गर्ज हाइड्रोपावर लिमिटेडको ५१ प्रतिशत सेयर खरिद गरेको छ। यससँगै कम्पनीले आयोजनाको बहुमत स्वामित्व प्राप्त गर्दै सञ्चालन र वित्तीय व्यवस्थापनमा प्रमुख भूमिका निर्वाह गर्ने भएको छ।
म्याग्दी जिल्लामा अवस्थित कालीगण्डकी गर्ज हाइड्रोपावरको क्षमता करिब ३० मेगावाट छ। ग्रीन भेन्चर्सले बहुमत सेयर हात पार्दै आयोजना आफ्नै उत्पादन पोर्टफोलियोमा समावेश गरेको छ। यस कदमलाई कम्पनीले ऊर्जा बजारमा आफ्नो उपस्थितिलाई बलियो बनाउने रणनीतिक निर्णयका रूपमा लिएको छ।
Advertisement:
नेपालमा पछिल्लो समय जलविद्युत् क्षेत्रमा अधिग्रहण र साझेदारीलाई प्राथमिकता दिइएको छ। ग्रीन भेन्चर्सले पनि विगत केही वर्षयता मध्यम क्षमताका आयोजना लक्षित गर्दै लगानी विस्तार गर्दै आएको थियो। कालीगण्डकी गर्जमा गरिएको अधिग्रहणलाई निजी ऊर्जा बजारमा प्रतिस्पर्धा तीव्र पार्ने संकेतका रूपमा हेरिएको छ।
३० मेगावाट विद्युत् राष्ट्रिय ग्रिडमा थपिने भएकाले आपूर्तिमा योगदान पुर्याउने अपेक्षा गरिएको छ। त्यस्तै, म्याग्दीमा रोजगारी, कर राजस्व र पूर्वाधार विकासमा प्रत्यक्ष प्रभाव पर्ने सम्भावना छ।
सेयर खरिद प्रक्रिया कम्पनी ऐन २०६३, धितोपत्र ऐन २०६३ र सम्बन्धित नियामक निकायका नियमअनुसार सम्पन्न गरिएको जनाइएको छ। कालीगण्डकी गर्ज हाइड्रोपावर गैर–सूचीबद्ध कम्पनी भएकाले अधिग्रहण प्रक्रिया कम्पनी रजिष्ट्रारको कार्यालयमार्फत विधिवत रूपमा दर्ता गरिएको बुझिएको छ।
प्रतिक्रिया