२०८३ भदौ ०३ गते
नेप्से परिसूचक झिनो अंकले बढ्यो, कारोबार रकम पनि बढ्यो
२०८१ वैशाख १२ गते
काठमाडौँ । बुधबार शेयर बजार झिनो अंकले बढेको छ । यस दिन नेप्से परिसूचक ०.१५ अंकले बढेर १९६७.६० अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.००१ प्रतिशतले बढ्न पुगेको हो ।
आज नेप्सेमा १३ उपसमूहमध्य ३ उपसमूहको परिसूचक बढेका छन् भने अन्य १० उपसमूहको परिसूचक घटेका छन् । बुधबार सर्वाधिक बढ्ने उपसमूहमा फाइनान्स रह्यो जसको परिसूचक २.४४ प्रतिशतले वृद्धि भएको छ । यसै गरी सर्वाधिक घट्नेमा होटल तथा पर्यटनउपसमूह रह्यो जसको परिसूचक ०.४४ प्रतिशतले घटेको छ ।
Advertisement:
नेप्से बढेसँगै आज कारोबार रकम पनि बढेको छ । अघिल्लो कारोबार दिन २ अर्ब ५ करोड ८३ लाख ५ हजार एक सय ८५ रुपैयाँ बराबरको शेयर खरिदबिक्री भएकोमा यस दिन ३१३ स्टकको ३६ हजार चार सय ८३ पटकको कारोबारमा २ अर्ब ५३ करोड ६४ लाख ३१ हजार ९ सय ९८ रुपैयाँ बराबरको ७२ लाख ८४ हजार २ सय ७२ कित्ता शेयर खरिदबिक्री भएको छ । जसमा ११३ वटा कम्पनी बढेका छन् भने ११७ वटा कम्पनी घटेका छन् । यसैगरी १५ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा पोखरा फाइनान्स रह्यो जसको शेयर सकारात्मक सर्किट लागेको छ । सर्वाधिक घट्नेमा भने माई खोला हाइड्रोपावर रह्यो जसको शेयर ७.८४ प्रतिशतले घटेको छ ।
सोमबार सर्वाधिक रकमको कारोबार गर्ने कम्पनीमा नेपाल पुनर्बिमा कम्पनीको प्रमोटर शेयर रह्यो जसको ६३ करोड ३० लाख रुपैयाँ बराबरको शेयर किनबेच भएको छ । त्यस्तै संख्याको हिसाबले सर्वाधिक शेयर कारोबार हुनेमा पनि नेपाल पुनर्बिमा कम्पनीको प्रमोटर शेयर नै रह्यो जसको २२ लाख ६० हजार ८ सय ८० कित्ता शेयर किनबेच भएको छ ।
प्रतिक्रिया